Охрид, 13 мај 2013 (МИА) – Одделението за животна средина при општина Охрид задутре ќе ја спроведе годинешната акција за собирање отпадно масло од домаќинствата и угостителските објекти.
Акцијата ќе се спроведе на поранешниот полигон за мали спортови, каде сите физички и правни субјекти ќе можат да го достават отпадниот зејтин и да добијат соодветни канти за негово складирање.
Пилот проектот за собирање отпадно масло од домаќинствата почна да се реализира во декември минатата година со цел употребеното масло да не се фрла заедно со останатиот комунален отпад и на тој начин да се спречи загадување на животната средина.
Собирањето отпадното масло на територијата на Општина Охрид го врши овластената фирма „Суниленс“ од Скопје која од Министерството за животна средина и просторно планирање има дозвола за собирање, складирање и третман на таков вид отпад.
Во рамки на проектот Општина Охрид и овластената фирма минатата година на стотина домаќинства им подарија по еден пластичен канистер за собирање отапдно масло.
