Нашиот тим продолжува со континуирана едукација на населението за еколошко постапување со отпадно масло. Досега реализиравме неколку едукативни презентации низ повеќе градови во Македонија. Презентиравме пред ученици и граѓани во Македонски Брод, во СОУ “Методи Митевски – Брицо” – Делчево, во ООУ „Кирил и Методиј“- Стојаково, СОУ „ Богданци“ и Дом на култура „Бранд Петрушев“- Богданци. Следниве теми беа покриени на овие настани:
- Факти за штетните влијанија од неправилно отстранување на отпадно масло;
- Позитивни практики и искуства од системот за управување со отпадно масло во прехранбената индустрија;
- Еколошки и економски бенефити од рециклирање на отпадно масло;
- Еко-хуманитарниот проект #рециклирајидонирај и новиот систем за собирање на отпадно масло од домаќинствата.
На секоја од овие презентации доделивме едукативни материјали и 3 литарски кантички за соодветно и хигиенско собирање на отпадно масло до присутните. Погледнете ја галеријата од настаните.
