Охрид собра 53 тони отпадно масло за јадење

Охриѓани учат како да го собираат и третираат употребениот зејтин
31/10/2013
Прегорените масла од кафеаните ја затнуваат канализацијата
27/11/2013

Општинскиот Сектор за урбанизам и заштита на животната средина од Охрид ја заокружи втората фаза од пилот-проектот за собирање отпадно масло од домаќинствата.

Овластени претставници на фирмата „Суниленс“, која има дозвола за собирање, складирање и третман на тој вид отпад вчера го собираа отпадното масло од домаќинствата на кои претходно им беа доделени канти за собирање, при што полните канистери ги заменуваа со празни за граѓаните што ќе го собираат маслото во наредниот период.

Од Секторот се задоволни од одзивот на граѓаните и создавање навики кај домаќинките за соодветен третман на отпадниот зејтин.

– Намерата е да се создаде навика кај домаќинките да не го фрлаат маслото во канализација или во дворовите, туку да го третираат на овој начин со што ќе придонесат за заштита на животната средина – изјави Хавза Реџеп Kакел од општинскиот Сектор за заштита на животната средина.

Проектот за собирање на маслото за готвење од домаќинствата почна лани и следуваше по успешната реализација на проектот за собирање на маслото од правните субјекти, кој почна во 2009 година. Од рестораните и угостителските објекти во Охрид во изминатите четири години се собрани 53 тони отпадно масло.

Дневник

Ние собираме, складираме и третираме отпадни масла за јадење од хотели, ресторани, сендвичари, големи и мали потрошувачи на растителни масла низ цела Македонија.

При подигање на вашето отпадно масло за јадење доставуваме соодветна амбалажа за собирање. За да го собереме вашето отпадно масло или доколку сакате да дознаете повеќе за нашиот систем на собирање, контактирајте не и веднаш ќе ве посетиме.

slika-za-proekt-ohrid-1
Print Friendly, PDF & Email