Се зголемува свеста на охриѓани за соодветно третирање на отпадното масло од готвењето

Денеска ќе се собираат кантите со отпадно масло од домаќинствата
30/10/2013
Еко акција: Охриѓанки ќе го собираат употребуваниот зејтин
30/10/2013

Секторот за урбанизам и заштита на животната средина при Општина Охрид, во соработка со овластената фирма СУНИЛЕНС, денес, ја реализира втората фаза од „Пилот проектот за собирање на отпадно масло од домаќинствата“. На пункт на просторот на некогашниот полигон за мали спортови , домаќинствата на кои претходно им беа доделени канти за собирање на отпадното масло ги носеа полните канти, кои ги заменуваа со празни во кои ќе го собираат маслото во наредниот период.

Од секторот задоволни од одзивот на граѓаните. Како што велат- основната цел е постепено да се создаде навика кај домаќинките на овој начин да го третираат отпадното масло за готвење.

Пилот проектот за собирање на маслото од готвење од домаќинствата започна минатата година, што следуваше по успешната реализација на проектот за собирање на маслото од правните субјекти кој почна во 2009 година. Од рестораните во Охрид во текот на изминатите четири години собрани се  53 тони отпадно масло.

Како што објаснуваат од овластената фирма СУНИЛЕНС, која од МЖСПП има дозвола за собирање , складирање и третман на овој вид отпад, собраното отпадно масло понатаму се обработува и извезува во земјите од Европската унија, од кое потоа се изработува био гориво.

Презадоволни сме од одзивот особено од правните субјекти, секогаш сме подготвени да соработуваме и со останатите кои сеуште не го третираат маслото на овој начин. Добивме и Европски сертификат кој е единствен во Македонија, што значи дека овој вид отпад може да се изнесе во било која од европските држави, вели Игор Каевски од „Суниленс“.

Од секторот за животна средина потенцираат дека заинтересираните лица може секојдневно во просториите на секторот да се обратат и да добијат канта во која би го собирале отпадното масло од домаќинствата.

OhridNews

Ние собираме, складираме и третираме отпадни масла за јадење од хотели, ресторани, сендвичари, големи и мали потрошувачи на растителни масла низ цела Македонија.

При подигање на вашето отпадно масло за јадење доставуваме соодветна амбалажа за собирање. За да го собереме вашето отпадно масло или доколку сакате да дознаете повеќе за нашиот систем на собирање, контактирајте не и веднаш ќе ве посетиме.

slika-za-proekt-ohrid-1
Print Friendly, PDF & Email